სტუდია Walt Disney-ს მულტფილმი „დიდი გმირი 6“ 2014 წლის ყველაზე შემოსავლიანი  ანიმაციური პროექტი გახდა. როგორც გამომცემლობა Variety იტყობინება, მისმა შემოსავალმა 2015 წლის მარტში 621 მილიონ დოლარს მიაღწია.

ამ გზით, „დიდი გმირი 6“-მა  თავის ძირითად მოწინააღმდეგეს  – მულტფილმს „როგორ მოვათვინიეროთ დრაკონი 2“ აჯობა. ამ უკანასკნელმა თავის დროზე 618 მილიონი დოლარი გამოიმუშავა.

შეგახსენებთ, რომ ანიმაციურ ფილმს „დიდი გმირი 6“ რამდენიმე პრესტიჟული ჯილდო ერგო, მათ შორის ამერიკული კინოაკადემიისაც კატეგორიაში „საუკეთესო მულტფილმი“.

ფინანსური წარმატების შემთხვევაში Walt Disney მისი გაგრძელების გადაღებას გეგმავდა. მოცემულ მომენტში ამის თაობაზე ოფიციალური განცხადება, ჯერჯერობით, არ გაკეთებულა.